مساحة إعلانية

الجمعة، 31 يوليو 2020

الجمعة، 31 يوليو 2020

حالات التسمم بالكلور و كيفية علاجها

 كيفيه التعامل عند استنشاق أو بلع أو أصابه الجلد أو العين بالكلور
الموضوع بسيط في معظم الحالات لان تركيزات الكلور التجاري مش قويه بجانب  استخدامه فالتعقيم بيبقي مخفف بمايه وده بيخلي التركيز أقل

#في حالة شرب الكلور
الأول هنقيم الحاله 
#لو في تورم في الحلق أو الشفاه أو صعوبه في البلع  أو قئ دموي أو اسهال دموي يبقى ناخده على المستشفى على طول 

#لو مفيش يبقى الأمور بسيطه و هنتعامل معاه في البيت 
١-ممنوع تحاول تخلي المريض يرجع بأي طريقه لأن كده هترجع الكلور تاني للمرئ و البلعوم و هتزود تأثيره عليهم 
٢-ممنوع تدي المريض مايه بملح
٣-ممنوع استخدام أقراص الفحم 
٤-ممكن ندى للمريض مايه أو لبن عشان نخفف تأثير الكلور على المعده  بس مش بكميه كبيره عشان ميرجعش و لو مش عارف يبلع أو مغمى عليه أو عنده تشنجات منديهش اي سوايل 
٥-لو المريض حس بتهيج في المعده ممكن  ياخد انتودين امبول أو قرص او ميكوجيل شراب ( أو اي دوا لحموضة المعده متوفر عندك بس بلاش فوارات) وعشان كده بعدها يفضل بلاش اكل سخن او ناشف أو عليه توابل أو شاي أو قهوه. 
  
#في حاله استنشاق الكلور
هتنقل المريض لمكان جيد التهويه و بلاش تجمعات حواليه عشان يقدر يتنفس و لو في ضيق في التنفس هياخد جلسه فاركولين و يتنقل المستشفى لو في ضيق شديد في التنفس أو مغمى عليه أو في تشنجات 

#في حاله اصابه العين 
لو لابس عدسات يشيلها و هيتم غسيل العين بماء جاري لمده حوالي ربع ساعه ع الاقل  
#في حاله أصابه الجلد
خلع اي اكسسوار / ساعه /خاتم و  الملابس إلى عليها كلور و غسيل الجلد و الشعر لمده ١٥ل ٢٠ دقيقه بالمايه

ليست هناك تعليقات:

جميع الحقوق محفوظة لــ شبكة احلي حكاية 2017 ©

تم الكشف عن مانع الإعلانات

الإعلانات تساعدنا في تمويل موقعنا، فالمرجو تعطيل مانع الإعلانات وساعدنا في تقديم محتوى حصري لك. شكرًا لك على الدعم ❤️